Txabi BLOG

6:30
Gaur globoan hagaz egingo dogu, Willy Fog bezala.
Orduñara bidean goaz, ni irrikitan nago eta L.A. Gamez urduri, beldur da, ez ote garen goregi joango eta handik erori. ;)

Heldu gara. Globoa izugarri handia da eta hurbiletik gehiago!
Pixkat itxaron eta gero, goooora goaz!

Ze politta den dana hemendik goitik. Goraka goaz eta dagoen haize korronte txikiak alde batera eta bestera eramaten gaitu, hori bai, irten den egun polit eta lasaiarekin dena geldo dijoa, dena astiro astiro.
Lurra utzi dogunetik 500 metrotara igo gara konturatu gabe. Eta ordu bete igaro da! Behera berriz.

10:15
Eguneko lehenengo kafea! Jose gixajoa! Globoan montatu ez eta gainera kaferik ez du hartu orainarte. Kafe bikoitza eskatu du, basuan, baina hirukoitza eskatuko zuela uste nuen, jajaja!

12:30
Lagun batek Lipdub bat grabatu du, 14 minututakoa, eta bideo horren etalonajea egitea eskatu dit. 3 plano grabatu dira, 2 kalean, eta 7 minututako beste bat eraikin batean.

Globoa gutxi balitz, Apple COLOR.en 7 minututako planu-sekuentzia baten etalonajea egitea ez da reto txikia, eraikin barruan oso argi ezberdinak eta egoera ezberdinak daudenean, baina aurrera goaz.
Ordu batzuk beranduo eta mimo askorekin, lortu dogu! Eskerrak keyframeak asmatu zirela!

Bukatu da, “Escépticos” bukatu da.
Mila esker batera igaro doguzen egun guztiengatik.

Ostirala eta 13.

12:00
Gaur ez dago grabaketarik eta Escépticos programako kapitulo bat ikustera etorri gara.

13:00
Ikusita. Oso sentzazio arraroa izan dot. Oso arriskutsua da, zentzu guztietan, buruak mozten ditu inolako pietaterik gabe eta estetikoki oso, oso arriskutsua iruditu zait. Kamera modura ez naiz oso ona, baina programa ikusterakoan benetan izugarri txarra naizela pentsamenduarekin irten naz; Badakit sentzazio hau ni oso “akademikoa” izaten saiatzen naizelako dala, hau da programaren estetikaren kontrakoa. Estetika oso ondo aukeratuta dago, benetan, guztiz “antiakademikoa”. Oso gustoko izango dozue.

11:55
- “Hemos inflado!” esan du Patxik elkarrizketara ordu erdi lehenago heldu garenean. JAJAJAJA!
Normalena “Hemos pinchado” izaten da… Hau da, oso justu heltzea.

OH: Hau da Escépticos grabatzen gaudela nire mugikorrarekin egindako argazki bilduma, eta ez dogu bukatu: http://www.flickr.com/photos/25377447@N07/sets/72157626374111019/
#escepticos

11:00
Tabakoak 48 sustantzi dauzka minbizia sortarazten duena, baina ez soilik eztarrian edoizen motatakoa baizik; sustantzia hoiek behin odolean daudela gorputz osotik zabaltzen baitira.
Mediku batengandik hau entzun eta gero txuri geratu gara. Hitzik gabe.

6:00
Egun on. Gabon.

7:30
Furgoneta ez dabil. Toma ya!

12:00
Donostiako Egia auzoko Lekuona okindegiko napolitana goxua gozaldu dot. Goxua zeon benetan.

18:30
Gogora dezagun gaurko eguna:
• Lo geratu gara.
• Furgoneta ez dabil.
• Donoatian galdu gara.
• Ez digute hospital betako irudiak grabatzeko baimenik emon
• Kaleko inork ez zuen kamerara hitz egin nahi.
• Gasteizen galdu gara.
• Bilbora berandu heldu eta erreserbatuta geneukan zine aretora ezin gara sartu ia.

Hau ez da egun arrunta izan.

17:30
Larrabasterraraino etorri naz, metroz, kable baten bila. Canon.ekoek ez dabe asko laguntzen euren konexio arraroekin. Teorian usb kable arrunt bat izan beharko zena ez da hain arrunta, forma pixkat ezberdina dauokolako.
Honen onena oso tipo majo bat ezagutu dodala. Hemendik agur bero bat.

9:00
Escépticos.en 16gn egun hontan Otxate.ra guaz ispirituak omen daudelako han.
Gasteizeko errotonda beretik lau bat aldiz igaro eta gero Gasteiz kanpokaldeko auzo baten barruan galdu gara, irten ezinik, eta ez dago inor hortik nola irtetzen dan galdetzeko.
German, aspertuta, hurbildu eta esan digu: – ¿Hay algun plan? . Oso galdera ona, horregatik buelta bat gehiago ematia erabaki dogu. Zorionez, pertsona batekin topatu gara eta handik nola irten eta zein norabide hartu behar dogun azaldu du. Zorionak! Groundhog Day (marmotaren eguna) pelikulan sentitzen nintzen iada.

10:30
Baserri bide batetik goaz furgonakin! Zuhaitz adarrak, belarrak, eta harri koxkorrak alde guztietatik… baina hau ez nuen espero, bidexka errekatxo batek zeharkatzen dau, eta guk, noski, aurrera jarraitu behar dogu… baina ezin; Arrapatuta geratu gara.
Hemendik aurrera oinez goaz. Ez da asko falta eta grabatzen hasiko gara. “Escepticos Mendi Taldea”.
BERRIA! Kriston sorpresa ona topatu dogu han goian, baina hori ikusi beharko dozue, ezin dot ezer gehio esan.

11:55
Bilbora bueltan goaz eta furgonetan soinu arraroak egiten ditu.
Bilbora helduko ote gara ala bidetik utziko gaitu?

7:45
Escépticos.en 15gn eguna. Gaur ez dago Jon eta nik egin behar ditut sliderrak, baina lasai nago. Hori bai, lo ere banago.

15:30
Leioako EHU.ko Psikiatrian egon gara: “Los que venieren fingiendo desvaríos más les vale que se retiren a tiempo” kartela irakurrita ezinezkoa egin zait parrezka ez hastea. :D

16:30
Alhondigan gaude, Carlos eta biok, trasto guztiekin; 2 motxila, objetiboen poltsa, 2 tripode eta sliderra. Trasto asko dira, gero Abandora eta beranduo Erriberako merkatura jeitsi behar garelako gauza guztiekin. Everest.eko sherpak etorri zaizkit burura, ^_^

7:30
Nire urtebetetzea eta hemen nago, Leioako EHU.ko bedartzan botata. Bah, ez, ez da egia, Escépticos programarako Jaiver Loidi grabatzen gaude.

13:00
Leioatik Donostiara joan gara, 10 minututako elkarrizketa bat egin eta Bilbora berriz. Gutxienez itsasoa ikusi dogu… urrunetik.

18:00
Toma ya! 4 pertsona gara eta furgoneta berrian eta 3 baino ez gara sartzen. Gaur forgoneta ezberdina daukagu,
Izugarri handia, erraldoia, baina dena kargez betetzeko.

1go sketcha: Bat kargan doa, atzean… Nor doa atzean? Nola?! Atzean ezin da joan, arriskutsua da! Gainera ez da legala!

2gn sketcha: laurok aurrean goaz. Kontuz nire oinak! Auch, hori nire burua da! Danok pixkat ezkerretara! Ados, lortu dogu, baina segurtasun uhala? Nola lortuko dogu danok lotuta jutea? Buf, ezinezkoa.

3gn sketcha: Aitorrek esan du: – Berdin dit, ni oinez noa -, eta furgonetatik irten da. Gainera 10 minutu pasatu dira zigarro bat eskuan duela epiztu ezinik furgonetako metxeroa ez dabilelako.
Nereak erabaki bat hartu du: Aitor taxian doa. Taxia eskatzen dagoela, Aitorrek sua lortu dau baina… taxian ezin da erre!
Bapatean bere begirada sentitu dot: -Txabi, ta zu bazoaz taxian? -. Ta Txabi taxian doa.

Taxista gaztea da baina bere jesartzeko eragatik 60 urte dauzkala dirudi; Hori bai, azkar ez, rally moduan gidatzen du.

Taxian montatu nintzen azken garaia etorri zait gogoan: Manizales, Colombia. Beroa, egun osoan kalean lanean,izerdituta, presaka, egarri eta San Frantziskotik.

06:30
Egun on! Gaur egun luzea dogu, Bilboko 3 toki ezberdinetan egon behar dogu, gero Santanderrera guaz ta gauean “lagun arteko solasaldi” bat grabatu behar dogu Bilbon.

12:00
Leioako EHU kafetegian geundela, mobila, grabatu dogun tokian erori zaidalakoan korrika irten naz. Bapatean Nereak oihu egin dit. Aurkitu omen dabe. Taldera itzuli naizenean danal parrezka zeuden eta orduan konturatu naz: Zuela 3 minutu Xabirik utzi niola telefonoa eta guztiz ahastua nuen. Hau burua, jajaja!

14:45
Ez nuen uste hau gertatuko zanik baina gaur figurazio lana egin dot. Zorionez montatuko den zatian ez naiz agertzen. :)

16:10
Santander bidean, Laredotik hurbil. Ismael Serrano entzun dogu irratian. Garai horretan izan nuen neskalaguna etorri zait burura eta garaiko mina. Sentzazio arraro bat izan da. Min horretangustora nengoen baina kanta bukatzea nahi nuen.

20:00
Gamez.en lagunak heldu dira, eta taberna bateko jantokian solasaldi bat sortu dogu. Gaur 3 kamerarekin grabatzen gaude, Aitor errealizatzaileak 550D bat dauka esku artean.
Reality momentu bat izan dogu egon garen ordu honetan. Oso solasaldi interesgarria izan da. Gaia? Ikusiko duzue.

7:30
Eguna metroan hasi da. Topera. Aspaldi ez nintzela metroan sartzen ordu hauetan, seguru egunero horrela dagoela. Ops! Hau idazten nengoela geltokiak ia-ia ihes egin dit.
Goiza asteko onena, slider plano batzukin hastea.

8:30
Grabaketa. Ezin dot esan norekin hitz egin dogun, baina izugarri interesgarria egon da.
Izaki inteligenterik al dago unibertsoan? Egotekotan, bisitan etorri al dira?

10:00
Donostiara bidean.
Jokinek bere kotxea peajean utzi du. Bueltan hor jarraituko ote duen ez dugu inolako esperantzarik.

14:00
Lezon gaude, bazkaltzeko toki bila. Emakume batek gomendatutako taberna batera joan gara ta guztiontzako plater konbinaturik ez duela egingo esan digu. Ulertezina, 9 baino ez gara.

15:45
Donostian bazkaldu dogu. Ondo.
Zaborran botata sofa “zahar” bat bota dabe ta handik 5 minututara 3 gazte agertu dira eta izugarri emozionatuta eraman dute, jeje! Lonjara zuzen.

17:00
Donostiako Planetarium.ean gaude. Hau bai dela ume baten antzera jolasean ibiltzea. Denetik ikutu dogu, gauza guztiekin jolastu dogu, munduari birak emon dizkiogu, Nereak Jupiter erraldoi bat mugitu dau pasillo guztitik, jaboi ponpak egin doguz… Jolastu azken finean.
Aitorrek Mamut bat erosi du, baina ireki duenean, sardeska bat eta adobezko adreilu lauki bat baino ez zeukala ikusi dogunean.. hau parrea.